Asteburuan gure taldeko lau mendi lasterkarik zita izan
zuten Asturiaseko Arenas de Cabraleseko herrian. Trail de los Pastoresen
bigarren edizioa ospatzen zen. Mendi lasterketen munduan famatuak dira Picos de
Europako mendietan ospatzen diren lasterketak. Bertako mendietako desnibelak
ikaragarriak direlako eta teknikoki ere zailak.
Larunbatean Ioritz Goenagaren txanda zen Subisomaseko
Bertikalean. Azkoitiarrak 2,8km-ko eta +1050m zituen ibilbidea zuen aurrean eta
tartean Cabralesen hain famatua den
Canal de Somas delakoa igo behar zuen. 47 minutuko borroka gogor baten ostean 10. postu bikaina
lortu zuen.
Igandean Joseba Diaz, Egoitz Arrutik eta Josu Larrañagak,
26km eta +2600m zituen ibilbide gogorra bete behar zuten. Ez dira ezagutzen
distantzia horretan desnibel hori duten lasterketa askorik. Hori nahikoa ez eta
lasterketa hau famatua egiten duen jaitsiera tente eta teknikoari ere aurre
egin behar izango zioten. 
Josebak 4h
20min denbora behar izan zuen ibilbidea burutzeko, Egoitz eta Josu 4h 40min eta
gero elkarrekin sartu ziren Cabraleseko helmugara. Leher eginda heldu ziren hirurak helmuga marrara, eta
horrelako gogortasuna sekula ikusi ez zutela aipatzen zuten.
SEGI HORRELA ETA EUTSI GOGOR HURRENGO ZITEI!!!
No hay comentarios:
Publicar un comentario