XOXOTEKO BERTIKALA, CACERES, GIPUZKOAKO PISTA ESTALIKO TXAPELKETA...

Bete beteko asteburua izan du oraingoan ere taldeak eta ondorengo hitzetan bizitako momentu gozoak azalduko ditugu. Batzuk Caceresen Espainiako taldekako txapelketan, beste batzuk pistan eta baita ere Xoxoteko bertikalean.

Martxoan sartzearekin batera gure hainbat taldekidek mendi lasterketen denboraldi berriari hasiera eman zioten. Azkenengo urte hauetan bezala zita Azpeitian izan da, Xoxote mendiaren magalean ospatu den Zuzenien bertikalaren beste edizio baten, aurtengoarekin iada zazpigarren edizioa izan da, lan bikaina egiten ari diren seinale. 

Aurtengo edizioak bi nobedade nagusi zituen, batetik Euskal Herriko bertikaletako txapeldun berriak erabakiko zituen kategoria ezberdinetan. Bestetik, ibilbide berria. Lasterketa frontoi txiki parean hasi eta San Inazioan bukatzen zen, aurreko urtetakoa baino distantzia luzeagoarekin, 3300m eta +825m desnibelari egin beharko zioten aurre, izena emanda zuten 209 parte hartzaileek. Horretaz gain, aipatzekoa aurreko egunetan egin zituen euri jasen ondorioz ibilbidean zehar pilatutako lokatza izugarria izan zela eta honek, lasterkarian lanak oraindik eta gehiago gogortu zuela. Gure taldetik lau ordezkari izan genituen. Laxa, Joseba Ortega, Ioritz Goenaga eta Josu Larrañaga.

Lehenengoak, izugarrizko lasterketa egin ondoren sailkapen orokorrean 4. Postua lortu zuen 35:45 denborarekin. Benetan goraipatzekoa Laxak egindako lana, kontuan hartuta probako parte hartzaileen artean zegoen maila oso handia zela. Urteak joan urtea etorri lasterketa honetan lan bikaina egiten du azpeitiarrak.

Joseba Ortegarena ere ez zen lehenengo urtea lasterketa honetan eta  44:45 denborarekin iritsi zen San Inaziora ibilbideko lokatzei eta gogortasunei aurre egin ostean, lasterketa polita berarena.

Ioritz Goenagari dagokionez, aipatzekoa da aurtengoa bere 6. agerraldia izan dela Zuzenien proban, edizio baten ezik beste guztietan izan dugu azkoitiarra. Aurreko urtean izugarrizko lasterketa egin ondoren, aurten ez zetorren bere onenean baina ala ere, beste behin erakutsi du bertikaletan zer esana eman dezakeela eta 42:16 denbora aipagarria egin zuen.

Eta gure beste taldekidea Iosu Larrañaga. Nahiz eta lasterketa luzeagoetan moldatzen den egokien, ez zuen hutsik egin herrian zuen zitarekin. Oso ondo ari da entrenatzen eta pena pixka bat bazuen, emaitza hobeagoa egiteko prestatuta baidago, dudarik gabe. Lasai, Josu, urrengoan zure maila erakutsiko duzula!

Xoxote alde batera utzi eta orain taldekide batek Caceres aldean bizitakoa nolakoa izan zen kontatuko dugu, aupa mutilak!!

"Ederra izan da aste bukaera honetan izan dugun talde giroa Caceresko Espainiako Kluben txapelketan. Ederto pasatu dugu bai lagun giroan eta baita ikusi eta bizitako esperientzia honetan.

Denontzat izan zen esperientzia bat eta gaineratu beharra dut  gutako batentzat, Amets Aramberrirentzat, lehenengo bizipena izan zela eta ez zuen gero estreinaldi txarra egin erdialdean sailkatu baitzen bere lehenengo Espainiako txapelketan. Puntuak irabazteko garrantzitsua izan zen bere postua, taldeka 25 garren postuan sailkatu baikinen 51 parte hartzaileetatik, aurreko urteko gure taldeko juniorretako postua baino 2 postu atzerago, postu ona da mailal handiko lehiaketa bat izan zelako. Postu honen zergatia erregulartasuna izan zen, lehenengo lau taldekideok antzera amaitu baikenuen. Zirkuituari dagokionez, espero genuen bezala, zirkuitu lehorra eta aldapa handirik gabekoa zen baina hala ere latza egin zitzaigun.

Bestalde, lehiaketatik aratagokoa ere esperientzia ederra izan zen; barre algarak ederrak bota genituen batzuen kontura. Turismo pixkat ere egin genuen Caceresko alde zaharreko kaleetan zehar; egia esan, lehiaketako zirkuitua ezik, beste guztia hoteletik oso gertu zegoen, hiriaren erdialdean baitzegoen hotela. Joaneko bidaia eta etorriko bidaiak ondo joan ziren gure furgonetako Joseba txoferraren eta Vanessa kopilotuen lanarengatik. “

Meritu itzela dute gurea bezelako herri txiki bat ordezkatzea Espainiako punta batean. Zorionak!!

Donostiko pista estalian ere, nola ez, han izan ginen. Oraingoan,Jone Zabaleta,Naiara Perez,Berezi Amubieta eta Yania Tena izan genituen pistako probetan parte hartzen eta etxera itzuli ziren emaitz bikainekin.

Larunbatean, Jonek 1500m-tan  hartu zuen parte oso emaitz ona lortuz 4:48s , igandean berriz 800m-tan irten zen denbora bikaina eginez 2:22:46s , gainera ,parte hartu zuen bi egun horietan podiumera igotzen amaitu zuen!! Gogor dabil pistan eta krossetan , ikusten da zenbat lan egiten duen neska honek!!

Yania ere Jonekin egon zen bi egun haietan, baina honek larunbatean 400m-tan hartu zuen parte eta  1.06.07s-rekin bere denbora hobetu zuen. Igandean ordea, 200m egin zituen taldeko beste bi neskekin, honetan ere hobetu du 28.43s -rekin. Krossak alde batera utziz , pistan konzentratzen ari da emaitz onak lor ahal izateko!!

Igandean ere , Naiara eta Berezi izan genituen  200m-tan. Naiarak larunbatean ere 60m egitera joan zen belodromora, bere emaitza 8.75s-koa izan zen.Igandean bere denbora onena lortu zuen 28.54s eginez,  aurrekoan deskalifakatu egin baitzuten , eta ezin izan zioten emaitz konkretu bat jarri.

Berezik aldiz 29.86s egin zituen bere indar guztiak jarriz atzenengo momentura arte.

Oso ondo neskak!!

Eta horrela pasa izan zuten neskak aurreko asteburua , emaitz bikainak lortuz eta gero eta maila hobeagoa erakutsiz!!

A ze asteburua!! Bete betea eta emaitz bikainez borobilduta. Segi dezazuen guztiok horrelaxe lanean!!