Esfortzuaren eta lanaren ondorioak normalean azalera
ateratzen dira eta horixe gertatu zaie gure taldeko bi gazte bikain hauei, Jon
Perez eta Jone Zabaletari. Denboraldi bikain baten ostean, jubenil mailako
Espainiako Txapelketetan parte hartzeko gutxieneko markak egin eta bertan
izango dira bi azkoitiarrak. Zita, Valladoliden izango dute, datorren
astebukaeran.
Jon Perez (1997) krossean maila haundia erakutsi ostean,
gogoz hasi zuen pistako denboraldia. Distantzia motzetan bikain moldatzen dela
erakutsiz, pistaz pista ibili da 3.000m, 1.500m eta batez ere 800m-ko probetan.
![](https://blogger.googleusercontent.com/img/b/R29vZ2xl/AVvXsEgYsb4yKg0Ya5Ee5eQuAnp9ZejKhYIaxv1_RVTEHMVYEm2a3bQoYPLiZXzUJxQlrD9g6R3swL-BhYCljpDuBBG_IGZMmSeC3PVC95u8fwyIzKHpX9lEi_ZRajVmiseU57T7RHES9yC_Trj0/s1600/perez.jpg)
Hainbat ahalegin egin ostean, 2:01 denbora egin zuenean
ikusi zuen bi minutuko langa hortatik jeitxiko zuela. Eta horrela gertatu zen.
Lasterketa bikain baten ostean bere
markarik onena egin zuen, erlojua 1:59:69 geldituaz. Denbora bikainaz
gain, Valladolideko txartela lortu zuen.
Jone Zabaleta (1998) kirolari apart horietako dugu. Urte
guztia lehiatzen pasatzen du, korrika ez bada gimnasia erritmikoan. A ze
meritua duena. Eta hori berretsi du, gutxieneko marka bi probetako lortu baitu:
1500m-tan eta 800m-tan.
Jone ere apirilean hasi zen pistako probetan. Neguko pista
estaliko erreferentziak bazituen eta posible ikusten zuen gutxieneko denbora
hoiek lortzea. Hori bai, bazekien asko saiatu behar zuela. Begiz jota zituen bi
denbora: 1.500m-tako 5:02 eta 800m-tako 2:22:50.
Ekain hasieran zentesima batzugatik ez zuen lortu 800m-takoa
ontzea. Baina handik bi astera arantza ateratzea lortu zuen 2:21 denbora eginez.
Iada bazuen Valladolideko txartela.
Baina 1.500m-tan ere gai ikusten zuen bere
burua eta lehenengo saiakeran lortu zuen denbora egitea. Hori gutxi ez balitz,
berriro saiatu eta 4:53 egitea lortu zuen. Espainiako rankineko 16. denborarik onena.
Tartean Gipuzkoako txapeldun ere izan da bi distantzia horietan. “Entrenatzaileen
laguntzarekin dana askoz errezagoa izan da, beraiek motibatu nautelako minima
horiek lortzera eta proba guztietan dena ematera”.
Denboraldi zoragarria egin dute eta hemendik zorionak eman
nahi dizkiegu. Gozatu eta ondo ibili Valladoliden!
No hay comentarios:
Publicar un comentario