Denboraldi berriaren hasiera

   Iraila iritsi zaigu eta horrekin batera, Xeyekoek hasi dute beraien denboraldia. Merezitako deskantsua izan eta gero berriro martxan dira korrikalariak. Hemendik aurrera sarritan ibiliko dira Azkoitia eta Azpeitia arteko bideetan kilometroak egin eta egin.  

   Joan den denboraldi bikaina egin ostean, gogotsu hasi dute denboraldia, beraien helburuak ahalik eta ongien betetzeko asmoz. Krossak, pista estalia, aire libreko pista… guztietan dena emateko asmoz ibiliko dira gureak.

   Azken urteetako joerari eutsiz, aurten ere hazten doa Xeye atletismo taldea, kide berri ugari hasi zaizkigu aurten ere. 50 bat neska mutilek osatzen dute taldea, eta horiez gain, hainbat eta hainbat alebin eta infantil eskola mailan aritzen direnak. Nabaria eta eskertzekoa da taldeko entrenatzaile diren Jose Antonio Zulaika, Pedro Muñoz eta Egoitz Arrutiren lana. 

   Eta nahiz eta guztiek nahi duten beraien denbora eta postuak hobetzea, ez dezagun ahaztu atletismoarekin ere gozatu eta ondo pasatu behar dugula!