AZKOITIA-AZPEITIA MARATOI ERDIA

Martxoa iritsi da, eta martxoko ezaugarri aipagarrienetako bat, Diego Garciaren maratoi erdia ospatzea da. 20. aldiz izango da, izen eta izate handiko lasterketa hau.

 Diegok ezaugarri eta izaera berezia zuela denok ikusi genuen. Munduan ez da gizakirik izan, hainbeste Azkoiti-Azpeiti joan etorri egin zuenik. Igande, jai egun, goiz eta arratsalde entrenatzen zuen, bere helburuetara iristeko.

 Gaur egun, bere izaerak bizirik jarraitzen du lasterketa honetan. Egoera zailean, lanean gogor dihardugu eta hona hemen gure lanaren fruitua:

 DIEGO GARCIAREN oroimenezko XX. AZKOITIA-AZPEITIA MARATOI ERDIA eta I. AZKOITIA-AZPEITIA herrikoia.

 Bi lasterketa, gure aintzindaria oroitzeko eta gure artean dugun beste goi mailako korrikalari bat omentzeko.

 ASIER CUEVAS, hizki handiz idatzi daitekeen lasterkari bat da. Azpeitiarrok herriko seme hartu dugu Eibartar jator hau. Norbait badago Diegoren oinordeko, Asier izan dela esan dezakegu. Maratoi munduan ez du Diegok bezain beste ospe lortu, baina 100kmko probetan, zer esanik eman du eta oraindik bere onenak emateko dituela uste dugu, berarengan sinisten dugunok. Dakizuen bezala, joan de urtean, ikaragarrizko lana egin zuen gure lasterketan, Eunice Kirwak, emakumezko mailan errekor berri bat ezartzeko. Asierrek merezi duelako eta Eunice-ek egin zuen marka aitortzeko, ondoko kartel hau aurkeztu nahi dizuegu.

 AZKOITIA-AZPEITIAko kartela, lasterketako familiaren irudia da. Poz ematen du urtez urte etxe, enpresa eta erakundeek ematen diguten babesa. Bestalde lasterketako irudi nagusia izanik, Asier eta Eunice batera atera ditugu, Felix Sanchez-ek eman digun  argazki polit honetan.

 XX. edizio hau jorratzen doa, baina zerbait ziurta badezakegu, hori da, beste behin AZKOITIA-AZPEITIA  goi mailako proba izango dela  Diegoren oroimenez eta Asier-en omenez.

 Jendea animatzealdera, hemen jartzen dizuet Azkoitia-Azpeitia maratoi erdiaren zirkuitoa.

 


 Eta hemen berriz 7,5 km-ko zirkuitoa eta perfila.

Hemen lagatzen dizuet Diegoren argazkirik esanguratxuenetariko bat.

Diego Garcia, Martin Fiz eta Alberto Juzgado Maratoiko Europako txapledun Helsinkin 1994.